ASNN – Një pjesë e lojtarëve të Barçës, si Vermalen e ndonjë tjetër, vetëm sa kanë shijuar foton me trofeun e Ligës së Kampioneve, pasi plot katër lojtarë të klubit katalan do të detyrohen të kthejnë medaljet në UEFA, dhe së bashku me belgun janë Klaudio Bravo, Zhordi Masipi dhe Dagllas Pereira.
Sipas portalit belg “Voetbalkrant”, të gjithë atë që nuk kanë luajtur se paku një minutë në Ligën e Kampioneve nuk kanë të drejtë të marrin medaljen e artë të Ligës së Kampionëve.
Megjithatë, me ata pak minuta, apo më saktë me një ndeshje të vetme gjatë gjithë sezonit që Vermaelen ka luajtur te Barcelona, ka fituar edhe kampionatin spanjoll dhe Kupën e Mbretit.
Në rast se do t’i merret medalja, ish-klubi i tij, Arsenali, nuk do të fitojë 4 milionë euro siç parashikohej. Në bazë të marrëveshjes midis dy klubeve, “Topçinjtë” do të fitonin bonus nëse Vermaelen fitonte Ligën e Kampioneve.
