ASNN – UEFA ka publikuar listën e lojtarëve më të mirë të këtij sezoni në Ligën e Kampionëve, ku duket qartë dominimi i Barcelonës në të gjitha repartet, sidomos në sulm.
Padyshim që në listë ka dhe lojtarë të klubeve të tjera, të tillë si të Juventusit dhe të Realit, por më tepër dominojnë katalanët. Në portë janë gardiani i Barcelonës, Ter Shtegen dhe legjenda e Juventusit, Xhanluixhi Bufon.
Mbrojtja dominohet nga katalanët me Pikenë, Albën dhe Maskerano, sikurse edhe mesfusha me Rakitiçin, Injestën e Busketsin, teksa në sulm, përveç Mesit e Ronaldos, janë edhe Suarez, Nejmar e Morata.
Nga Reali, përveç Ronaldos ka spikatur edhe Toni Kros, ndërsa ndër klubet e tjera është përfshirë vetëm Ivanoviç i Çelsit.
