ASNN – Sipas asaj që njoftojnë mediat sportive të ditës, Federata Shqiptare e Mundjes do të zgjedhë më 30 maj 2015 forumet e saj drejtuese për katër vitet e ardhshme. Për këtë qëllim, konfirmohet se janë njoftuar zyrtarisht të gjitha klubet e licencuara pranë federatës.

Zgjedhjet do të zhvillohen si për president, dhe për anëtarë të kryesisë së federatës. Për momentin, Martin Biba, presidenti në detyrë i federatës është kandidati i vetëm në Asamblenë Zgjedhore. Për anëtarë të kryesisë mësohet se do të kërkojnë mandatin përveç ish-mundësve edhe përfaqësues nga bota e biznesit.

Ndërkohë, dje Komiteti Olimpik Kombëtar Shqiptar ka shpallur tre sportistët që do të marrin pjesë në Lojërat e para Evropiane “Baku 2015”, përkatësisht Egzon Shala, Islam Islamaj dhe Osman Hajdari.