ASNN – Frosinone është skuadra e dytë që siguron pjesëmarrjen në Serinë A. Skuadra nga krahina e Lacios, ka festuar inkuadrimin në elitën e futbollit italian për herë të parë në histori të klubit, duke u bërë klubi i 65-të, që luan në Serinë A.
Skuadra e themeluar në vitin 1928, erdhi deri te ky sukses pas arriti të mposhtë në fushën e vet Krotonen me rezultatin 3-1. Frosinone futet midis atyre pak skuadrave, që vetëm pas një viti të ngjitjen në Serinë B, arrin të ngjitet edhe më lart, në nivelin më të lartë të kampionatit italian të futbollit.
Frosinone, që nga një stadium me kapacitet prej afro 10 mijë vendesh, është vetëm skuadra e dytë që këtë edicion ka arritur të sigurojë Serinë A, pas Karpit. Me të përfunduar ndeshja, tifozët e Frosinones pushtuan fushën, duke dhuruar momente të paharruara festive.
