ASNN – Kategoria Superiore e Kampionatit Kombëtar të Futbollit ka kurorëzuar dje matematikisht Skënderbeun si “kampione”, për të 5-tën herë radhazi dhe, të 6-tën në histori. Ndërsa sot luhen takimet e tjera të javës së 35-të dhe ai më i luftuari pritet të jetë dueli midis Teutës dhe Apolonisë, që do të luhet në Stadiumin “Niko Dovana” të Durrësit.
Kjo ndeshje, që do të sillet për sportdashësit drejtpërdrejt nga Rrjeti i Radio-Televizionit Shqiptar, duke nisur nga ora 17:00, është një duel për jetë a vdekje përsa i përket mbijetesës. Pasi ka kurorëzuar mbrëmë Skënderbeun si kampione e Shqipërisë për të 6-tën herë në histori dhe, si asnjëherë më parë, për të 5-tën herë radhazi, Kategoria Superiore e Kampionatit Kombëtar të Futbollit do t’i luajë sonte të gjitha ndeshjet e tjera të javës së saj të 35-të.
Në takimin që u luajt të shtunën dhe që ngriti siparin e javës së parafundit të këtij sezoni, korçarët mundën Flamurtarin me nga një gol të shënuar për secilën pjesë loje, duke marrë fitoren që i ngjiti në kuotën e 76 pikëve dhe që i garantoi edhe matematikisht se nuk mund të arrihet më nga 3-shja e ndjekësve, Kukësi, Tirana dhe Partizani.
Ndërkaq, midis takimeve të sotme, ai më i luftuari pritet të jetë dueli midis Teutës dhe Apolonisë, që do të luhet në Stadiumin “Niko Dovana” të Durrësit. Kjo ndeshje, që do të sillet për sportdashësit drejtpërdrejt nga Rrjeti i Radio-Televizionit Shqiptar, duke nisur nga ora 17:00, është një duel për jetë a vdekje përsa i përket mbijetesës në nivelin më të lartë të futbollit shqiptar.
Në takimet e tjera, Kukësi pret në fushën e vet Tiranën, Vllaznia është mysafire në kryeqytet për t’u ndeshur me Partizanin, ndërsa Laçi përballet në shtëpi me Elbasanin. Pas Skënderbeut, që ka 76 pikë, renditet Kukësi me 69, Tirana me 68, Partizani me 67 dhe Laçi me 63 pikë.
Kategoria Superiore
Java e 35-të
(9-10 maj 2015)
Të shtunën:
Skënderbeu – Flamurtari 2-0
Shënues: Latifi 42’, S. Lilaj 90’+2
Stadiumi “Skënderbeu”, Korçë
Të dielën:
Partizani – Vllaznia (17:00)
Stadiumi Kombëtar “Qemal Stafa”, Tiranë
Kukësi – Tirana (17:00)
Stadiumi “Zeqir Ymeri”, Kukës
Laçi – Elbasani (17:00)
Stadiumi i Laçit
Teuta – Apolonia (17:00)
Stadiumi “Niko Dovana”, Durrës
Renditja
Nr. Skuadra N. F. B. H. Gsh-Gp Pikë
- Skënderbeu 35 23 7 5 56-18 76
- Kukësi 34 21 6 7 53-25 69
- Tirana 34 20 8 6 45-23 68
- Partizani 34 20 7 7 38-24 67
- Laçi 34 18 9 7 40-18 63
- Flamurtari 35 10 8 17 28-35 38
- Vllaznia 34 11 5 18 27-38 35
- Teuta 34 8 2 24 30-53 26
- Apolonia 34 7 4 23 18-51 25
- Elbasani 34 4 2 28 19-69 14
