ASNN – Klubi korçar, Skënderbeu, është shpallur “kampion” i Shqipërisë për herë të 5-të radhazi dhe për të 6-tën herë në histori. Korçarët u shpallën “kampionë” pas fitores së arritur sonte në shtëpi, ku triumfuan ndaj Flamurtarit me rezultatin 2-0.
Vendasit kaluan në epërsi me anë të Latifit, i cili shfrytëzoi më së miri pasimin e Stojkovit, duke çuar topin në rrjetë. Me këtë epërsi njëgolëshe të Skëndërbeut do të mbyllet pjesa e parë.
Ndërkohë, në të dytën, skuadra e trajnerit Ernestino Ramela provoi të barazojë shifrat me anë të Buvalit dhe Krujës, por pa rezultat. Ndërkohë, ishte mesfushori korçar, Sabjen Lilaj, ai që shfrytëzoi pasimin e kosovarit Berisha dhe çoi topin në rrjetë.
Ndjekësit janë larg për të kërcënuar Skënderbeun që tani duhet të mendojë për Ligën e Kampioneve. Një arritje edhe për Mirel Josën, që ka marrë trofeun e tretë të kampionit si trajner i Skënderbeut.
Kategoria Superiore
Java e 35-të
(9-10 maj 2015)
Të shtunën:
Skënderbeu – Flamurtari 2-0
Shënues: Latifi 42’, S. Lilaj 90’+2
Stadiumi “Skënderbeu”, Korçë
Të dielën:
Partizani – Vllaznia (17:00)
Stadiumi Kombëtar “Qemal Stafa”, Tiranë
Kukësi – Tirana (17:00)
Stadiumi “Zeqir Ymeri”, Kukës
Laçi – Elbasani (17:00)
Stadiumi i Laçit
Teuta – Apolonia (17:00)
Stadiumi “Niko Dovana”, Durrës
Renditja
Nr. Skuadra N. F. B. H. Gsh-Gp Pikë
- Skënderbeu 35 23 7 5 56-18 76
- Kukësi 34 21 6 7 53-25 69
- Tirana 34 20 8 6 45-23 68
- Partizani 34 20 7 7 38-24 67
- Laçi 34 18 9 7 40-18 63
- Flamurtari 35 10 8 17 28-35 38
- Vllaznia 34 11 5 18 27-38 35
- Teuta 34 8 2 24 30-53 26
- Apolonia 34 7 4 23 18-51 25
- Elbasani 34 4 2 28 19-69 14
