ASNN – Mbrojtësi serb i FC Sidnejit, Nikola Petkoviç, i frikësohet shumë sulmuesit shqiptar Besart Berisha. “Sulmuesit e tyre janë të ndryshëm nga tanët, – ka deklaruar Petkoviç, për “Goal.com”. – Ndoshta ata janë më agresivë, kanë lojtarë të tillë si Besart Berisha.”
“Treshja sulmuese e Melbërn Viktori, e përbërë nga Besart Berisha, Kosta Barbaruses dhe Fahid Ben Khalfallah është e aftë të prodhojë gola kudo, në çfarëdo kohe”, shkruan ndërkohë faqja sportive australiane, “Footballaustralia.com.au” në një analizë para ndeshjes së madhe.
Berisha ka shënuar 14 gola gjatë këtij sezoni në Australi për Melburn Viktori. Ish-sulmuesi i Kombëtares u përzgjodh në një anketë në formacionin ideal të 10 viteve të fundit.
