Duke folur pas ndeshjes finale, trajneri i KS “Ali Demit”, Ergys Kadiu, ka deklaruar: “Sigurisht që fitorja e këtij trofeu është dhe një ngushëllim për të gjithë sezonin. Nuk e patëm fatin që ta kishim Flamurtarin kundërshtar në gjysmëfinale. Në finale ishte tepër e vështirë, por qetësia e lojtarëve tek gjuajtjet e penalltive bëri që të jemi ne fitues.”
“Për sezonin e ardhshëm do të kemi një super skuadër jo vetëm për t’u shpallur kampion, por dhe për të qenë të denjë në Kupat e Evropës”, – ka premtuar trajneri i klubit kryeqytetas. Ndërkaq, homologu i tij vlonjat, trajneri i Flamurtarit, Mario Kalus, e ka marrë me sportivitet humbjen në finale.
“Nuk kemi pse të mërzitemi, – ka deklaruar ai pasi skuadra vlonjate u mund në finale vetëm pas goditjeve nga pika e bardhë e penalltive. – Në një farë mënyre ne e kishim realizuar objektivin tonë, që është dalja kampion. Ky është futbollit, ndërsa penalltitë janë dhe fat.”
“Na mbetet të përgatitemi sa më mirë për pjesëmarrjen në Kupën “UEFA” në Futbollin e Sallës (UEFA FUTSAL CUP) për të qenë të denjë, – ka vijuar ai. – Falënderoj djemtë për gjithçka që dhanë në këtë fund sezoni, që gjithsesi ka qenë i lodhshëm. Urime dhe KS Ali Demit për trofeun e fituar!”
KS Ali Demi – Flamurtari 1-1
Shënues: Gockaj 27’ / Maze 10’
KS “Ali Demi” fiton 3-1 pas goditjes së penalltive: En.Kaca (+), Baroviç (+), Bllumbi (+) / Koçoviç (-, godet jashtë), Koçiraj (+)
KS “Ali Demi”: Meçikukiç, Bllumbi, Bajollari, En. Kaca, Baroviç / Thanasi, Gockaj. Trajner: Er. Kadiu
Flamurtari: Rrapi, K. Kalus, Maze, Koçiraj, Gurzakoviç / Koçoviç, S. Qopekaj. Trajner: M. Kalus
Gjyqtarë: K. Hakrama, G. Qirici (Tiranë)
Kartonë të verdhë: Bllumbi, Baroviç / K. Kalus, Maze, S. Qopekaj
Karton i kuq: Xhyheri
Kupa e Shqipërisë
Futbolli i Sallës
Gjysmëfinalet:
(7 maj 2015)
Flamurtari – Teuta 8-2
Vllaznia – KS “Ali Demi” 3-6
Finalja:
(10 maj 2015)
Flamurtari – KS “Ali Demi” 1-1 (1-3 pas 11-m.)
“Libri i Artë”
i Kupës së Shqipërisë
në Futbollin e Sallës
2011-2012 KS ALI DEMI
2012-2013 TIRANA
2013-2014 KS ALI DEMI
2014-2015 KS ALI DEMI
