ASNN – Tirana-Skënderbeu nuk shikohet vetëm si ndeshja e javës së 34-t të Kategorisë Superiore të Kampionatit Kombëtar të Futbollit. Ky takim, që ndryshe nga të tjetër, që do të zhvillohen duke nisur nga ora 16:00, do të luhet në ora 19:00 në Stadiumin Kombëtar “Qemal Stafa” mund të vendosë shumë për titullin “kampion”.
Fitorja me Tiranën e shpall Skënderbeun edhe matematikisht “kampion”, ndërsa për ekipin kryeqytetas, suksesi në takimin e sotëm do të thotë shpresë për titullin dhe kupat e Evropës më pranë. Ndërsa barazimi e lë gjithçka hapur për dy ndeshjet e fundit, por korçarët do të jenë edhe më pranë titullit.
Ndërkohë që, bardheblutë kanë vendosur heshtje për mediat para sfidës. Trajneri i skuadrës korçare Mirel Josa ka deklaruar se dëshiron t’i mbyllë llogaritë që sonte në “Qemal Stafa”. Skënderbeu kërkon titullin e pestë radhazi, ndërsa Tirana nuk e fiton kampionatin pre vitit 2009.
Bardheblutë nuk kanë për këtë takim Ervin Bulku, Gjergji Muzaka dhe Debatik Curri, të 3 këta të dëmtuar. Aco Stojkov pritet të nisë nga stoli për korçarët pas dëmtimit në takimin me Tuetën. Sot do të luhen edhe ndeshjet e tjera të javës së 34-t. Të gjitha janë sfida tepër të rëndësishme për Kupat e Evropës ose mbijetesën në Kategorinë Superiore.
Kategoria Superiore
Java e 33-të
(9 maj 2015)
Të shtunën:
Apolonia – Elbasani (16:00)
Flamurtari – Partizani (16:00)
Teuta – Kukësi (16:00)
Vllaznia – Laçi (16:00)
Tirana – Skënderbeu (19:00)
Renditja
Nr. Skuadra N. F. B. H. Gsh-Gp Pikë
- Skënderbeu 33 22 6 5 54-18 72
- Tirana 33 20 7 6 45-23 67
- Kukësi 33 20 6 7 50-23 66
- Partizani 33 19 7 7 37-24 64
- Laçi 33 17 9 7 39-18 60
- Flamurtari 33 10 8 15 28-32 38
- Vllaznia 33 11 5 17 27-37 35
- Teuta 33 8 2 23 28-50 26
- Apolonia 33 6 4 23 14-50 22
- Elbasani 33 4 2 27 18-65 14
