ASNN – Ndeshja më kryesore e javës së 33-të të Kategorisë Superiore do të jetë derbi Partizani-Tirana, që do të luhet të hënën, duke nisur nga ora 20:45, në Stadiumin Kombëtar “Qemal Stafa”.
Për rrjedhojë klubi Partizani ka shpallur dhe çmimet e biletave, të cilat janë si vijon: Tribuna A dhe B 1500 lekë të rinj, D1, D2 dhe D3 300 lekë të rinj dhe C e E 300 lekë të rinj.
Partizani ka ndarë dhe vendosjen e tifozëve, teksa të kuqtë do të jenë në tribunën B, D2, D3 dhe E, kurse bardheblutë në tribunën A, C dhe D1. Edhe biletaritë në kryeqytet do të jenë të ndara për shkak të përplasjes së mundshme të tifozëve.
