Federata Shqiptare e Xhudos nëpërmjet Sekretarit të saj të Përgjithshëm Labo Çapo ka lajmëruar se të mërkurën në Pallatin e Sportit “Tomor Sinani” të Elbasanit është zhvilluar veprimtaria e radhës që lidhet me projektin e zhvillimit të këtij sporti tek fëmijët.

Në këtë veprimtari kanë folur për rëndësinë e projektit zëvendëspresidenti Alfonc Babani, si dhe koordinatori i projektit, Florian Progni.

Dhe shkollat 9-vjeçare “Luigj Gurakuqi”dhe “Abdyl Paralloi” kanë ofruar bashkëpunimin për zhvillimin e veprimtarisë.

Dhe gjithçka është zhvilluar në një atmosferë të mirë, teksa situata që krijoi trajneri i xhudos së Elbasanit, Miri Laze, ishte e kënaqshme për të gjithë.