ASNN – Rei Manaj është një lojtar i Juventus. Ky është lajmi i botuar në faqen e specializuar calciomercato.com. Marrëveshja mes ekipit “kampion” të Italisë dhe Kremonezes, për sulmuesin shqiptar, është arritur dhe pritet që transferimi të kryhet gjatë merkatos së verës.
Juventus do të paguajë 2 milionë euro, ndërsa Manaj cilësohet si një investim për të ardhmen. Së bashku me futbollistin e Kombëtares shpresa do të shkojnë te Juventus edhe 4 lojtarë më të rinj në moshë. 18-vjeçari Rei Manaj me aftësitë e tij kishte tërhequr vëmendjen edhe të disa ekipeve të tjera në Serie A, si Inter, Roma e Palermo.
Sulmuesi i ri ka mundësinë më të mirë për të vijuar karrierën një klub të madh. Në këtë sezon Manaj aktivizohet me Kremonese në Lega Pro, kategoria e tretë në futbollin italian, ku ka shënuar 2 gola.
