ASNN – Kategoria Superiore e Kampionatit Kombëtar të Futbollit ka nisur sotjavën e saj të 30-të dhe, në takimet e zhvilluara pasdreke, Apolonia mundi 2-1 në “Loni Papuçiu” Flamurtarin dhe vazhdon të shpresojë të paktën matematikisht, edhe sezonin e ardhshëm do të jetë pjesë e nivelit më të lartë të futbollit shqiptar.

Fierakët kaluan të parët në epërsi me Andi Ribajn, por gëzimi i tyre zgjati vetëm 6 minuta, pasi Bregu barazoi shifrat. Atëherë kur të gjithë mendonin se kjo sfidë do të përfundonte në barazim, 18-vjeçari Fili shënoi golin e fitores për Apoloninë. Flamurtari e sheh veten të dorëzuar pasi goli shënohet në një moment kur vlonjatët po sulmonin.

Një fitore e rëndësishme e Apolonisë, që tashmë është ngjitur në kuotën e 19 pikëve por që zbehet disi duke parë që edhe Teuta fitoi në takimin tjetër ndaj Elbasanit. Megjithëse me vështirësi, e ka mbyllur me fitore këtë fundjavë edhe ekipi durrsak, i cili mposhti 1-0 Elbasanin, falë golit të Hysenit në pjesën e dytë.

Java e 30-të e Kategorisë Superiore vijon sonte, me takimin e orës 17:00, midis Tiranës dhe Vllaznisë dhe do të mbyllet të hënën me ndeshjet Kukësi-Laçi dhe Skënderbeu-Partizani. Pas ndeshjeve të pasdrekes, Kukësi vazhdon të kryesojë me 61 pikë, një më tepër sesa Skënderbeu, dy më tepër sesa Partizani dhe 4 më tepër sesa Tirana.

Kategoria Superiore

Java e 30-të

Të dielën, 12 prill 2015:

APOLONIA – FLAMURTARI           2-1

Shënues: Ribaj 13’, Fili 87’, Bregu 78’

Stadiumi “Loni Papuçiu”, Fier

TEUTA – ELBASANI                        1-0

Shënues: Hyseni 74’

Stadiumi “Niko Dovana”, Durrës

TIRANA – VLLAZNIA                       (17:00)

Stadiumi Kombëtar “Qemal Stafa”, Tiranë

Të hënën, 13 prill 2015:

KUKËSI – LAÇI                                 (15:00)

Stadiumi “Zeqir Ymeri”, Kukës

SKËNDERBEU – PARTIZANI       (18:00)

Stadiumi “Skënderbeu”, Korçë

Renditja

Nr.       Skuadra         N.        F.         B.        H.        Gsh-Gp          Pikë

1. Kukësi 29        19        4          6        47-20              61
2. Skënderbeu 29        18        6          5        43-14              60
3. Partizani 29        18        5          6        31-16              59
4. Tirana 29        17        6          6        37-19              57
5. Laçi             29        15        8          6        36-16              53
6. Flamurtari 30        9        7          14        24-28              34
7. Vllaznia 29        11        3          15        24-31              33
8. Teuta             30        8        2          20        26-44              26
9. Apolonia 30        5        4          21        11-47              19
10. Elbasani 30        4        1          25        15-59              13