ASNN – Futbollisti kosovar me pasaportë zvicerane, Granit Xhaka, ka bërë një deklaratë interesante, duke paralajmëruar edhe se mund të tërhiqet nga futbolli nëse skuadra e tij shkon dëm shansin për të luajtur mes më të mirëve të Evropës.
Duke folur për mediat gjermane, mesfushori i Borusias së Mënshengladbahut, ka thënë se do të tërhiqet nga të luajturit futboll, nëse Shalke 04-a u rrëmben vendin e katërt në Bundesligën e parë.
Ai ka thënë se Mënshengladbahu nuk do të lejojë që t’i merret vendi i katërt, që dërgon në Ligën e Kampioneve sezonin e ardhshëm.
“Nëse ne lejojmë që të na merret ai vend i katërt, atëherë unë nuk do të luaj më futboll”, – tha Xhaka për prestigjiozen gjermane, “Bild”. Hëpërhë, Borusia e Mënshengladbahut renditet në vendin e tretë, me 53 pikë, ndërsa Shalke 04-tra në vendin e 5-të, me 41 pikë.
