ASNN – Shqipëri-Gjermani, dueli i dëshiruar për sportdashësit shqiptarë, por që çuditërisht mungon prej 14 vjetësh, do të rikthehet më 7 maj në “Elbasan Arena”. Në fakt, këtë herë bëhet fjalë për një miqësore veteranësh, që do të vërë përballë brezave të ndryshëm të futbollit shqiptar, homologët e tyre gjermanë dhe një gjë e tillë është konfirmuar zyrtarisht edhe nga Federata Shqiptare e Futbollit.
Lojtarët gjermanë, që kanë shkruar historinë e futbollit evropian dhe atij botëror dhe që janë idhuj për brezat e shumë sportdashësve shqiptarë, do të zbresin më 7 maj në fushën e blertë të “Elbasan Arena”, ku do të përballen në një miqësore veteranësh me homologët e tyre shqiptarë. Kështu, Shqipëri – Gjermani, ndeshja e adhuruar ndër vite për të gjithë shqiptarët, por që mungon që nga qershori i 2001-shit, do të rikthehet përsëri në qendër të vëmendjes së tyre.
Një përzgjedhje veteranësh të përfaqësueses gjermane të futbollit, do të vijë në Shqipëri për të zhvilluar një takim miqësor me homologët e tyre shqiptarë dhe një gjë e tillë është konfirmuar zyrtarisht edhe nga Federata Shqiptare e Futbollit, nëpërmjet një postimi në faqen e saj zyrtare në Internet. Ndeshja do të zhvillohet në stadiumin “Elbasan Arena”, më datën 7 maj të këtij viti.
Gjermania është skuadra që ka zhvilluar më shumë ndeshje me Shqipërinë në kuadër të Eliminatoreve të Kampionateve Botërore dhe atyre Europianë. Në këto përballje kombëtarja shqiptare e futbollit, rezultatin më të mirë ndaj RFGJ , ka barazimin në nëntor e vitit 1967. Ndërsa rezultatin më të dobët ka humbjen 8-0 në vitin 1981.
Ja të gjitha përballjet Gjermani-Shqipëri dhe bilanci mes tyre:
01.05.1958 Tiranë
Shqipëri – Republika Demokratike Gjermane 1-1
08.04.1967 Dortmund
RF Gjermani 6-0 Shqipëri (Eliminatore Evropiani)
17.12.1967
Tiranë Shqipëri 0-0 RF Gjermani (Eliminatore Evropiani)
17.02.1971 Tiranë
Shqipëri 0-1 RF Gjermani (Eliminatore Evropiani)
12.06.1971 Karlsruhe
RF Gjermani 2-0 Shqipëri (Eliminatore Evropiani)
07.04.1973 Magdeburg
RD Gjermani 2-0 Shqipëri (Eliminatore Botërori)
03.11.1973 Tiranë
Shqipëri 1-4 RD Gjermani (Eliminatore Botërori)
01.04.1981 Tiranë
Shqipëri 0-2 RF Gjermani (Eliminatore Botërori)
18.11.1981 Dortmund
RF Germani 8-0 Shqipëri (Eliminatore Botërori)
30.03.1983 Tiranë
Shqipëri 1-2 RF Gjermani (Eliminatore Evropiani)
20.11.1983 Sarbryken
RF Gjermani 2-1 Shqipëri (Eliminatore Evropiani)
16.11.1994 Tiranë
Shqipëri 1-2 Gjermani (Eliminatore Evropiani)
18.12.1994 Kaizerlautern
Gjermani 2-1 Shqipëri (Eliminatore Evropiani)
02.04.1997 Granada
Shqipëri 2-3 Gjermani (Eliminatore Evropiani)
11.10.1997 Hanover
Gjermani 4-3 Shqipëri (Eliminatore Botërori)
24.03.2001 Leverkusen
Gjermani 2-1 Shqipëri (Eliminatore Botërori)
06.06.2001 Tiranë
Shqipëria 0-2 Gjermani (Eliminatore Botërori)
Totali:
Skuadra N. F. B. H Gsh-Gp Pikë
Shqipëria 14 0 1 13 10-38 1
Gjermania 14 13 1 0 38-10 27
Totali:
Skuadra N. F. B. H Gsh-Gp Pikë
Shqipëria 3 0 1 2 2-7 1
Gjermania Lindore 3 2 1 0 7-2 5
