ASNN – Pas meshkujve, edhe Kampionati Kombëtar i Volejbollit për Femra ka nisur dje rrugëtimin e fazës finale të tij, me takimet e para të gjysmëfinaleve të “play-off”-it, që do u luajtën të dyja në kryeqytet. Siç dihet, për në fazën finale janë kualifikuar Barleti Volej, Tirana, Partizani dhe Teuta.

Në takimet e para, që u luajtën të enjten, Barleti Volej ka pritur Teutën, në Sallën nr. 1 të Pallatit të Sportit “Asllan Rusi” në Tiranë, duke nisur nga ora 18:00. Po në të njëjtën kohën, pak kilometra më tutje, Partizani ka qenë mysafire në Sallën Sportive “Fahrie Hoti” në kryeqytet, për t’u përballur në derbin e kryeqytetit me Tiranën.

Në sfidën e parë, skuadra e drejtuar nga trajneri Hasan Gurabardhi, që është edhe kampione në fuqi, ka mbaruar punë në 3 sete ndaj Teutës, ndërsa janë kundërpërgjigjur në të njëjtën vajzat bardheblu, të drejtuara nga trajneri Adrian Gorenxa, që kanë fituar po në 3 sete në derbin e kryeqytetit ndaj Partizanit.

Ndeshjet e dyta, që do të luhen të dielën, të dyja duke nisur nga ora 18:00, do të zhvillohen përkatësisht në Durrës dhe në Tiranë. Ndërsa takimet e treta, nëse do të jetë e nevojshme, do të zhvillohen të mërkurën e ardhshme në kryeqytet, gjithashtu duke nisur nga ora 18:00.

Për në finale të Kampionatit Kombëtar të Volejbollit për Meshkuj kualifikohen dy skuadrat që fitojnë 2 nga 3 takimet gjysmëfinale dhe 5 takimet finale do të zhvillohen nga 11 prilli, deri më 24 prill 2015. Kampione në fuqi është Barleti Volej, që ka fituar njëkohësisht edhe trofeun e Kupës së Shqipërisë.

Kampionati Kombëtar

i Volejbollit – Femra

Kalendari i “play-off”-it

Gjysmëfinalet

Ndeshja e parë

(2 prill 2015)

Të enjten:

Barleti Volej – Teuta             3-0

Salla 1, Pallati i Sportit “Asllan Rusi”, Tiranë

Tirana – Partizani                 3-0

Salla Sportive “Fahrie Hoti”, Tiranë

Ndeshja e dytë

(5 prill 2015)

Të dielën:

Teuta – Barleti Volej             (18:00)

Pallati i Sportit “Ramazan Njala”, Durrës

Partizani – Tirana                 (18:00)

Salla 1, Pallati i Sportit “Asllan Rusi”, Tiranë

Ndeshja e tretë*

(8 prill 2015)

Të mërkurën:

Barleti Volej – Teuta             (18:00)

Salla 1, Pallati i Sportit “Asllan Rusi”, Tiranë

Tirana – Partizani                 (18:00)

Salla Sportive “Fahrie Hoti”, Tiranë

* Nëse do të jetë e nevojshme