ASNN – Kampionati Kombëtar i Volejbollit për Meshkuj bëhet gati të nisë nesër rrugëtimin e fazës finale të tij, me takimet e para të gjysmëfinaleve të “play-off”-it, që do të luhen të dyja në kryeqytet. Siç dihet, për në fazën finale janë kualifikuar Studenti, Tirana, Teuta dhe Vllaznia.

Në takimet e para, që luhen nesër, Studenti pret Vllazninë në Sallën nr. 1 të Pallatit të Sportit “Asllan Rusi” në Tiranë, duke nisur nga ora 18:00. Po në të njëjtën kohën, pak kilometra më tutje, Teuta është mysafire në Salla Sportive “Fahrie Hoti” në kryeqytet, për t’u përballur me Tiranën.

Ndeshjet e dyta, që do të luhen të shtunën, të dyja duke nisur nga ora 18:00, do të luhen përkatësisht në Shkodër dhe në Durrës. Ndërsa takimet e treta, nëse do të jetë e nevojshme, do të zhvillohen të mërkurën e ardhshme në kryeqytet, gjithashtu duke nisur nga ora 18:00.

Për në finale të Kampionatit Kombëtar të Volejbollit për Meshkuj kualifikohen dy skuadrat që fitojnë 2 nga 3 takimet gjysmëfinale dhe 5 takimet finale do të zhvillohen nga 11 prilli, deri më 24 prill 2015. Kampione në fuqi është Studenti, që ka fituar njëkohësisht edhe trofeun e Kupës së Shqipërisë.

Kampionati Kombëtar

i Volejbollit – Meshkuj

Kalendari i “play-off”-it

Gjysmëfinalet

Ndeshja e parë

(1 prill 2015)

Të mërkurën:

Studenti – Vllaznia               (18:00)

Salla 1, Pallati i Sportit “Asllan Rusi”, Tiranë

Tirana – Teuta                       (18:00)

Salla Sportive “Fahrie Hoti”, Tiranë

Ndeshja e dytë

(4 prill 2015)

Të shtunën:

Vllaznia – Studenti               (18:00)

Pallati i Sportit “Qazim Dervishi”, Shkodër

Teuta – Tirana                       (18:00)

Pallati i Sportit “Ramazan Njala”, Durrës

Ndeshja e tretë*

(8 prill 2015)

Të mërkurën:

Studenti – Vllaznia               (18:00)

Salla 1, Pallati i Sportit “Asllan Rusi”, Tiranë

Tirana – Teuta                       (18:00)

Salla Sportive “Fahrie Hoti”, Tiranë

* Nëse do të jetë e nevojshme