ASNN – Janë luajtur sonte dy ndeshjet e para të javës së 19-të të Kampionatit Kombëtar të Basketbollit për Meshkuj dhe kampionia në fuqi, Vllaznia, ka mundur në Sallën Sportive “Fahrie Hoti” në kryeqytet ekipin e Tiranës, me rezultatin 71-63.

Sidoqoftë, ky rezultat nuk ka ndryshuar asgjë në tabelën e renditjes, ku ekipi bardheblu i drejtuar nga trajneri Bujar Shehu, mban në vendin e parë në kuotën e 36 pikëve, dy më tepër sesa rivalët veriorë.

Ekipi i Shehut nuk ka përfituar nga numri i madh i tifozëve të vet, të pranishëm në “Fahrie Hoti”, teksa është mundur nga kuqeblutë me shifrat 63-71. Tirana e nisi mirë takimin në pjesën e parë, por më pas miqtë përmbysën gjithçka.

Te Vllaznia spikati amerikani Hog, i cili realizoi i vetëm 37 pikë. Në fazën e “play-off”-it, Tirana do të luajë derbin kundër Partizanit, ndërsa Vllaznia, e cila mban vendin e dytë, do të përballet me Kamza Basketin, që renditet e treta.

Kampionati Kombëtar

i Basketbollit – Meshkuj

Superliga

Java e 19-të

(27-28 mars 2015)

Të premten:

Kamza Basket – Flamurtari             81-66

Tirana – Vllaznia                              63-71

Të shtunën:

Partizani – Apolonia                         (17:00)

Renditja

Nr.       Skuadra                     N.        F.         H.        Psh-Pp                     Pikë

1. Tirana 19        17        2        1609-1209                 36
2. Vllaznia 19        15        4        1559-1286                 34
3. Kamza Basket 19        12        7        1459-1191                 31
4. Partizani 18        8        10        1152-1295                 26
5. Flamurtari 19        4        15        1299-1485                 23
6. Apolonia 18        0        18        1081-1614                 18