ASNN – Kampionia në fuqi, Flamurtari, i ka shkaktuar të shtunën kryesueses aktuale të Kampionatit Kombëtar të Basketbollit për Femra, Apolonisë, humbjen e parë të këtij sezoni, duke e mundur bindshëm në Vlorë, me shifrat 75-58. Megjithatë, Apolonia vazhdon të kryesojë renditjen, me 29 pikë, një më tepër sesa Flamurtari, ndërsa Tirana mban vendin e tretë me 26 pikë e Skënderbeu të 4-tin, me 24 pikë.
Kampionati Kombëtar i basketbollit për Femra vazhdon sezonin e rregullt dhe kampionia në fuqi, Flamurtari, i ka shkaktuar Apolonisë humbjen e parë të këtij sezoni, duke e mundur bindshëm në Vlorë, me shifrat 75-58. Flamurtari-Apolonia ka qenë në fakt një takim rivalesh, midis dy skuadrave që duket se do të luftojnë deri në fund për titullin “kampion”.
10-minutëshi i parë i kësaj sfide është karakterizuar nga rivaliteti dhe vlonjatet e fitojnë atë me vetëm 1 pikë epërsi, 15-14. Pjesa e dytë është ajo që vendosë fatin e ndeshjes, pasi vlonjatet e fitojnë atë 26-19, duke shkuar në pushim me epërsinë 41-33. Dy pjesët e tjera, që janë mbyllur përkatësisht 19-19 dhe 15-6, veçse e kanë thelluar këtë epërsi dhe Flamurtari fiton 75-58.
Në takimet e tjera, Kamza Basket mundi Apoloninë 70-61, në Përmet Tirana fitoi 90-57 ndaj skuadrës vendase, ndërsa Skënderbeu mundi Elbasanin 78-60. Apolonia vazhdon të kryesojë, me 29 pikë, një më tepër sesa Flamurtari, ndërsa Tirana mban vendin e tretë me 26 pikë e Skënderbeu të 4-tin, me 24 pikë. Më pas vijojnë Studenti, me 22 pikë dhe Elbasani, me 21.
Kampionati Kombëtar
i Basketbollit – Femra
Java e 17-të
(21 mars 2015)
Kamza Basket – Vllaznia 70-61
Përmeti – Tirana 57-90
Skënderbeu – Elbasani 78-60
Flamurtari – Apolonia 75-58
Studenti pushim
Renditja
Nr. Skuadra N. F. H. Psh-Pp Pikë
- Apolonia 15 14 1 1289-883 29
- Flamurtari 15 13 2 1238-870 28
- Tirana 15 11 4 1219-970 26
- Skënderbeu 15 9 6 1060-1031 24
- Studenti 15 7 8 930-853 22
- Elbasani 15 6 9 984-1134 21
- Kamza Basket 15 5 10 877-949 20
- Vllaznia 16 3 13 1037-1166 19
9. Përmeti 15 0 15 689-1353 15
