Tirana e ka thelluar hendekun në krye të renditjes, duke triumfuar në derbin me Partizanin. Të kuqtë pa Çaçin dhe Ismetin e kanë pasur të vështirë të përballojnë vrullin e tiranasve. Pa tifozë, por dhe pa shumë spektakël, bardheblutë e kanë kthyer në një seancë stërvitore. Pasi është fituar pjesa e parë 21-8, gjërat kanë ardhur duke u thelluar në të dytën, kur bardheblutë kanë fituar 23-9 dhe në pushim kanë shkuar me epërsinë 44-17.

Përtej lojës së mirë të Laskut dhe Voglit, apo dhe pjesës tjetër të skuadrës, në një farë mënyre Roshi e ka tepruar me kërkesat e tij për të zhytur sa më shumë topa në koshin e Partizanit. Sepse nuk ka qenë i saktë në këto tentativa, ndërsa disa aksione i kanë shkuar bosh. Vetëm kur ka vendosur që të luajë më thjeshtë poshtë koshit të Partizanit, atëherë ka arritur të bëhet shënues duke qenë kështu pikashënuesi i dytë më i mirë i Tiranës në këtë derbi.

Të kuqtë kanë reaguar vetëm në pjesën e katërt, të cilën e kanë fituar, ndërsa Merkaj me disa trepikësha është munduar të ngushtojë sa më shumë diferencën e humbjes së të kuqve. Por në fund është fiksuar një fitore e Tiranës së Shehut me plot 49 pikë, duke e bërë derbin më shumë se sa të pavlefshëm dhe pa pikë rivaliteti. Sepse Partizani nuk është më në atë gjendje sa të rivalizojë me bardheblutë, që vazhdojnë të kryesojnë me meritë në kampionatin e basketbollit për meshkuj. Përfundimisht, një fitore e thellë e Tiranës në një derbi pa pikë shije.

Tirana – Partizani                83-44

(21-8, 23-9, 21-6, 18-21)

Tirana: Roshi (19), Vogli (10), Lasku (21), Haxhiu, Gjyzeli (11) / Jani (9), Hasani (6), Lilaj (5), Troja (2). Trajner: B. Shehu

Partizani: Pregja (12), Kristo (2), Fjolla, Merkaj (15), Dervishi / Gozhdari (5), Laçi, Hysa (4), Pylla (5). Trajner: E. Ismeti

Gjyqtarë: E. Hoxhaj, M. Kasëmi (Vlorë), G. Basho (Shkodër)

Kampionati Kombëtar

i Basketbollit – Meshkuj

Superliga

Java e 17-të

(13-14 mars 2015)

Të premten:

Tirana – Partizani                83-44

Kamza Basket – Apolonia  88-46

Të shtunën:

Vllaznia – Flamurtari           ora 18:00

Renditja

Nr.       Skuadra                     N         F          H         Psh-Pp                      Pikë

1. Tirana             17        16        1        1462-1084                 33
2. Vllaznia             16        13        3        1317-1081                 29
3. Kamza Basket 17        10        7        1296-1049                 27
4. Partizani             17        8        9        1103-1217                 25
5. Flamurtari             16        3        13        1095-1243                 19
6. Apolonia             17        0        17        1027-1530                 17