Turneu i 3-të Lokal i Basketbollit “Tirana 2015” për Nën-14-vjeçarët (Djem), veprimtaria që është organizuar nga dy shoqatat e basketbollit shqiptar, Superior Basket dhe Sonia Basket, në bashkëpunim me Federatën Shqiptare të Basketbollit dhe me Bashkinë e Tiranës, këtë fundjavë ka përfunduar javën e 4-të.

Dhe janë pikërisht këto dy skuadra, Sonia Basket dhe Superior Klima, që janë të pandalshëm në kryesimin e tyre në këtë veprimtari të kësaj grupmoshe. Në javën e 4-t të këtij aktivitet, Sonia Basket ka fituar me lehtësi ndaj Invadersit, ndërsa Superior Klima ka pasur vështirësi ndaj Horizont Basket.

Vlen të përmendet që fitorja më e thellë e javës së katërt ka ardhur nga Qendra e Minibasketit Tirana, e cila ka fituar me 47 pikë diferencë ndaj Superior Basket 2. Ndeshje interesante kanë qenë Marsi Basket-Olimpik Basket, Ardhmëria Basket-Alfa Basket dhe Real Basket-MJ. Pao, të cilët deri në fund e kanë ruajtur enigmën e fituesit.

Dhe në pikët e fundit kanë triumfuar Marsi Basket, Ardhmëria Basket dhe MJ.Pao, që vazhdojnë të rrisin pretendimet e tyre. Kësisoj është mbyllur dhe java e katërt e “Tirana 2015”, ndërsa rivaliteti është në shkallën maksimale, sidomos mes dy kryesueseve Sonia Basket dhe Superior Klima.

Ajo që duhet vlerësuar është fakti se basketbolli shqiptar ka tashmë veprimtari të vazhdueshme për çdo grupmoshë, ndërsa, të paktën kjo dhe sipas Sekretarit të Përgjithshëm të Federatës Shqiptare të Basketbollit, Korab Llazani, për numrin e veprimtarive në vend vjen pas futbollit. Ndaj dhe “Tirana 2015” për Nën-14-vjeçarët vijon të tërheqë vëmendjen e të gjithëve.

Turneu i 3-të Lokal i Basketbollit

“Tirana 2015” për

Nën-14-vjeçarët (Djem)

Java e 4-t

(8 mars 2015)

Invaders – Sonia Basket                38-65

Olimpik Basket – Marsi Basket      47-58

Horizonti Basket – Superior Klima            30-38

Ardhmëria Basket – Alfa Basket   42-39

Real Basket – M.J. Pao                   35-42

QMB Tirana – Superior Basket      74-27

Renditja

Nr.       Skuadra                     N.        F.         H.        Psh-Pp                       Pikë

1. Sonia Basket 4          4          0          333-123                     8
2. QMB Tirana 4          4          0          308-143                     8
3. Superior Klima 4          3          1          175-91                        7
4. Invaders 4          3          1          186-163                     7
5. Marsi Basket 4          3          1          158-151                     7
6. Ardhmëria Basket 4          2          2          142-160                     6
7. Olimpik Basket 4          2          2          196-214                     6
8. M.J. Pao 4          2          2          151-193                     6
9. Alfa Basket 4          1          3          110-162                     5
10. Horizont Basket 4          0          4          154-216                     4
11. Superior Basket 4          0          4          71-123                      4
12. Real Basket 4          0          4          94-184                      4