ASNN – Turbina triumfon lehtësisht në ndeshjen e parë të kampionatit me rezultat bindës 3-0 ndaj bregdetarëve. Skuadra e trajnerit Engjëll Belshi nuk i ka zhgënjyer pritshmëritë e tifozëve dhe drejtuesve. Pjesa e parë e lojës është mbyllur me rezultatin e bardhë 0-0, ndonëse ishte Turbina që dominoi lojën në çdo aspekt me shumë raste për të shënuar, por nuk arriti t’i konkretizojë.

Orikumi ishte shumë i avashtë në ndërtimin e kundërsulmeve dhe nuk arritën të rrezikonin asnjëherë portën e vendasve. Çudia ndodh në minutën e 54-t, kur një gjel hyn në fushë, duke tërhequr vëmendjen e të gjithëve dhe shkaktuar ilaritet tek të pranishmit. Pikërisht në këto momente Xhardja godet fort me të majtën, duke zhbllokuar rezultatin.

Më pas presioni i cërrikasve e ka detyruar Hoxhën që të shënojë në portën e vet dhe në fund përsëri Xhardja do të vuloste fitoren e Turbinës, 3-0. Turbina tregoi autoritet dhe pjekuri në fushë, skuadra dominoi në çdo moment dhe fitorja ishte i vetmi rezultat që mund t’i shkonte përshtat kësaj sfide të parë.

Turbina – Orikumi                             3-0

Shënues: Xhardja 55’, 90’, Hoxha 73’(a.g.)

Turbina: Miza, Xhika, Ferhati, Metaj, Kapja (Duro 83’), Xhelili, Lena, Rrapushi, Isaraj (G. Kamami 86’), Lleshi (Bilali 76’), Xhardja. Trajner: E. Belshi

Orikumi: Hasani, Havaj, Gjipali (Jazoj 67’), Hoxha, Dhimitriu (Mehmeti 66’), Gjondeda, Xhelilaj, Hazizaj, Omeri, Nurçe (Çadoj 75’), Kongjini. Trajner: A. Haxhiaj

Gjyqtarë: Xh. Mema, M. Sadikaj, H. Lisaku (Durrës)

Karton i verdhë: Metaj

Kategoria e Dytë

Grupi B

Java e parë

(28 shtator 2014)

Këlcyra – Gramozi               1-0

Egnatia – Bilisht Sporti       2-0

Tepelena – Përmeti             4-3

Gramshi – Delvina               1-0

Himara – Memaliaj               4-2

Turbina – Orikumi                3-0

Renditja

Nr.       Skuadra         N.        F.         B.        H.        Gsh-Gp          Pikë

1. Turbina 1          1          0          0          3-0                  3
2. Himara 1          1          0          0          4-2                  3
3. Egnatia 1          1          0          0          2-0                  3
4. Tepelena 1          1          0          0          4-3                  3
5. Gramshi 1          1          0          0          1-0                  3
6. Këlcyra 1          1          0          0          1-0                  3
7. Përmeti 1          0          0          1          3-4                  0
8. Delvina 1          0          0          1          0-1                  0
9. Gramozi 1          0          0          1          0-1                  0
10. Memaliaj 1          0          0          1          2-4                  0
11. Bilisht Sporti 1 0          0          1          0-2                  0
12. Orikumi 1          0          0          1          0-3                  0