ASNN – Liga e Kampioneve, njihuni me 16 skuadrat e kualifikuara, dominojnë anglezët me 4 ekipe, ndjekin spanjollët e gjermanët. Në ditët në vijim pritet të hidhet shorti për turin e 32-shes së Ligës Kampioneve, pasi të mërkurën në mbrëmje u mësuan të gjithë ekipet që u kualifikuan nga faza e grupeve.
Ishin gjithsej 8 grupe me nga 4 skuadra secili. Dhe për secilin grup u kualifikuan më tej nga dy skuadra. Pra në total, rrugëtimin e tyre në garën për trofeun e Ligën e Kampioneve do ta vazhdojnë 16 ekipe. Kurse 8 skuadra të tjera, që zunë vendin e tretë në secilin grup, do të vazhdojnë rrugëtimin e tyre në Ligën e Evropës.
Në këtë grup që pretendojnë trofeun më të rëndësishëm për klube në futbollin evropian përfshihen 4 klube angleze (Mançester Junajtid, Mançester Siti, Totenhemi dhe Liverpuli), 3 skuadra spanjolle (Reali i Madridit, Barcelona dhe Atletiko Madrid) dhe 3 skuadra gjermane (Bajerni i Mynihut, Borusia e Dortmundit dhe Shalke 04).
Por edhe 2 skuadra italiane (Juventusi dhe Roma), po aq skuadra franceze (Paris SG-ja dhe Lioni), 1 skuadër portugeze (Porto) dhe 1 skuadër holandeze (Ajaksi). Ekipet që fituan të drejtën të kalojnë në turin e 32-shes së Ligës së Kampioneve janë si më poshtë në rendin alfabetik:
- Ajaksi
- Atletiko Madrid
- Barcelona
- Bajerni i Mynihut
- Borusia e Dortmundit
- Juventusi
- Liverpuli
- Lioni
- Mançester Siti
- Mançester Junajtid
- Paris SG
- Porto
- Reali i Madridit
- Roma
- Shalke 04
- Totenhemi
