AlbanianSport.com – Intervistë e rastit

Intervistë e rastit Faqja Kryesore

Kombëtarja / Flasin titullarët kuqezinj pas triumfit me Hungarinë

AlbanianSport.com 05/09/2021 22:55

ASNN – Futbollistët e Kombëtares kanë përcjellë pas ndeshjes Read More

Kombëtarja / Broja: Një gol për shumë të tjerë që shpresoj se do të vijnë

AlbanianSport.com 05/09/2021 22:15

ASNN – Futbollisti i ri i Kombëtares kuqezi rrëfen për RTSH Read More

Flasin titullarët kuqezi, Gjimshiti & Cikalleshi: I pësuam shumë lehtë golat

AlbanianSport.com 02/09/2021 23:55

ASNN – Titullarët kuqezinj, Berat Gjimshit dhe Sokol Cikalleshi, Read More

Reja: Nuk është tragjedi të humbësh në Poloni, nuk kemi vdekur ende

AlbanianSport.com 02/09/2021 23:25

ASNN – Trajneri kuqezi “vajton” gabimet, keqardhje për humbjen Read More

(Video) “Tokio 2020”, në optikën e Fidel Yllit: Një pjesëmarrje historike

AlbanianSport.com 31/08/2021 18:40

ASNN – Presidenti i KOKSH-it analizon për RTSH Sport pjesëmarrjen Read More

(Video) Nën-19-vjeçaret / Cungu: Ndaj Izraelit, për të parë elementët e rinj

AlbanianSport.com 30/08/2021 23:10

ASNN – Edhe Kombëtarja shqiptare e Nën-19-vjeçarëve ka nisur Read More

(Video) Xhaferi: Vllaznia, si një model për të ardhmen, Evropa, synimi i madh

AlbanianSport.com 27/08/2021 18:40

ASNN – Donatori shkodran ka shpalosur në një intervistë dhënë Read More

(Video) KOKSH / Ylli: Shoqatat dhe privatizimi i klubeve, rruga e duhur

AlbanianSport.com 24/08/2021 21:10

ASNN – Kreu i KOKSH-it vlerëson ligjin e miratuar, kërkon kuptim Read More

Bernard Karrica, sulmuesi i talentuar që synon të jetë një lider kuqezi

AlbanianSport.com 24/08/2021 19:20

ASNN – Bernard Karrica është mes futbollistëve më premtues Read More

Futboll – Femra / Arbiona Bajraktari: Nuk ka dilema për zgjedhjen kuqezin (II)

AlbanianSport.com 16/08/2021 19:20

Vijon nga dje

Kur Read More

Futboll – Femra / Arbiona Bajraktari, vajza me një jetë të dytë për futbollin (I)

AlbanianSport.com 15/08/2021 16:55

ASNN – Historia e pabesueshme e Arbiona Bajraktarit, vajza që i dedikoi jetën e dytë futbollit! “Tani kushtet janë më të mira, – thotë ajo. – Po t’i krahasoj me kohën kur ishim të vogla, kushtet janë si dita me natën. Stërviteshim në fusha të vogla, në kalçeto, pasi fushat e mëdha ishin për djemtë. Ne nuk na lejonin sepse ishim vajza.” Arbiona Bajraktari i falet një jete të dytë. Lufta në Kosovë preku edhe atë e familjen e saj, të cilët u detyruan të merrnin udhën drejt Shqipërisë, për të mbijetuar. Ajo ishte vetëm 3 vjeç e gjysmë asokohe. Familjarët e saj, ashtu sikurse qindra shqiptarë të tjerë të Kosovës i ishin drejtuar kufirit të Morinës, për të shpëtuar jetën e tyre.

Në traktorin me të cilin ata udhëtonin kanë qenë rreth 30 persona, me në krye gjyshin e saj. Rrugëtimi i tyre ngeci pikërisht në doganën e Morinës, për shkak të numrit të madh të njerëzve që donin të kalonin kufirin dhe ku për gati 3-4 ditë, ata kanë konsumuar vetëm ujë, pa ushqim. Kjo gjë ndikoi në gjendjen shëndetësore të gjithë familjes së saj, por sidomos tek vogëlushja Bajraktari, e cila nuk e përballoi mirë situatën. Të gjithë menduan se Arbiona kishte ndërruar jetë… por pasi kaluan kufirin e Morinës, ata u pritën nga një familje në Kukës. Plaka e shtëpisë, një zonjë fisnike, e mençur e ka risjellë sërish në jetë, duke e ushqyer për disa ditë me kos.

Arbiona nuk e kujton mirë këtë histori, edhe sepse ka qenë mjaft e vogël, por kujton çdo ditë dhe thekson se do t’i mbetet mirënjohëse gjithë jetën asaj familjeje që i dhuroi për herë të dytë jetën. Pas përfundimit të luftës, familja e Arbionës u zhvendos sërish në Kosovë. Ajo u rrit në Suharekën e saj të bukur, aty ku edhe lindi, mësoi, si dhe hodhi hapat e parë në futboll. Lagjet e vjetra të qytetit të saj i kujton ende me nostalgji, ku së bashku me fëmijët e tjerë luanin me një top, për të cilin kujdeseshin më mirë se për veten e tyre. Në moshën 12 vjeçare, dy shoqet e saj të ngushta u regjistruan në një klub futbolli për femra.

Ato e ftuan edhe Arbionën të bëhej pjesë e këtij ekipi. Nuk e mendoi dy herë, por vendosi që t’i bashkohej dhe të udhëtonte thuajse çdo ditë larg Suharekës, për gati 40 minuta, vetëm e vetëm që të ndiqte ëndrrën e saj. “Futboll kam nisur të luaj që kur isha e vogël, me shokët dhe shoqet e lagjes, – kujton ajo. – Derisa një ditë, dy shoqet e mia të shkollës më thonë se ishin regjistruar në një ekip futbolli për vajza dhe më ftuan të bashkohesha me to. U thashë po dhe çdo ditë udhëtoja 40 minuta larg qytetit për të mësuar më shumë mbi futbollin.” Prindërit e Arbionës nuk kishin kuptuar gjë, derisa një ditë e morën vesh dhe e ndaluan të shkonte.

Arbiona ishte shumë e vogël për të ndjekur stërvitjet e futbollit larg qytetit e gjithashtu duhej të fokusohej te shkolla. Për nga natyra, ajo është pak kokëfortë dhe këmbëngul aty ku mendon se ka të drejtë. E pavarësisht se familja nuk ishte dakord që ajo të vazhdonte të luante futboll, ajo nuk i dëgjoi. Madje, shpesh la edhe orët mësimore që të ndiqte stërvitjen. “Kur e morën vesh familjarët e mi, normalisht që nuk e pritën mirë, – pohon ajo. – Më thanë që nuk do të shkoja më dhe se duhet të ndiqja veçse shkollën. Kishin edhe frikë që unë të lëvizja vetëm, pasi isha e vogël. Por, unë nuk i dëgjova.”

“Përkundrazi, edhe kam lënë ndonjëherë orët mësimore për të shkuar në stërvitje, – vijon Bajraktari. – Ky nuk është një model i mirë, që shoqet e mia duhet ta ndjekin, pasi shkolla dhe pasioni që ne kemi, janë dy gjëra të ndryshme nga njëra-tjetra. Për rreth 3-4 muaj, babi dhe vëllezërit e mi nuk dinin gjë. Kam pasur një mbështetje shumë të madhe nga trajneri i skuadrës.” Turneu drejt Suedisë do të ishte pika e kthesës për të dhe familjen e saj. Aty jeta e Arbionës do të fillonte të kishte tjetër rrjedhë. “Kur ekipi i Malishevës, me të cilin unë luaja, do të udhëtonte drejt Suedisë për një turne, trajneri kishte shënuar edhe emrin tim në listë”, – rrëfen futbollistja.

“E ka marrë tim atë dhe i ka thënë që vajza është pjesë e listës pasi ka talent dhe i ka kërkuar të më bënte dokumentet që të lëvizja me ta, – vijon ajo. – Babi ka mbetur pa fjalë, nuk e ka pritur. Por që prej asaj dite, kam pasur besimin e plotë të tij.” E pavarësisht kushteve të vështira që është rritur, numri 5 i Kombëtares kuqezi të futbollit ia ka dalë mbanë të lërë emër në çdo ekip me të cilin ka luajtur. Pa transport, stërvitje me vetëm një top, fushat e futbollit i mohoheshin sepse ishin vajza, ajo sërish ia doli. “Kushtet kanë qenë shumë të vështira në atë kohë, – kujton Arbiona. – Na kanë munguar shumë gjëra, transporti për shembull ishte shumë i vështirë.”

“Stërviteshim në fusha të vogla, në kalçeto, pasi fushat e mëdha ishin për djemtë, – vijon ajo. – Ne nuk na lejonin sepse ishim vajza. Kemi pasur vetëm një top dhe kjo ka vazhduar deri kur kam ardhur tek ekipi i Kukësit. Nuk kemi pasur secila prej nesh një top dhe për këtë arsye, kemi bërë veç nxemje dhe ushtrime fizike dhe më pas direkt në lojë. Çfarë mund të bënim më tepër me një top?” Sot, kushtet janë ndryshe. Futbolli i femrave është një nga prioritetet kryesore të Federatës Shqiptare të Futbollit (FSHF), që ka hartuar një strategji të mirëfilltë për ta zhvilluar më tej futbollin e femrave, ndaj ajo thotë: “Tani kushtet janë më të mira”.

“Po t’i krahasoj me kohën kur ishim të vogla, kushtet janë si dita me natën, – thekson 26-vjeçarja. – Mbështetja që po na jep edhe FSHF-ja është e madhe. Shpresoj të vazhdojnë të na mbështesin, pasi duhet thënë, mbështetja e futbollit të femrave nuk është aq e madhe kudo, jo vetëm te ne. Megjithatë, duket sikur gjërat kanë ndryshuar. Federata po na ndihmon jo vetëm me bazë materiale por edhe nga ana financiare. Kjo është një shtysë e madhe për të gjitha ne që luajmë futboll, pasi dihet që karriera në futboll nuk është shumë e gjatë”. Me Kombëtaren ka gjithashtu një histori jo si të gjitha historitë e tjera.

Vijon nesër…